Ingvar Þór, ég hef vitni!

Ég var að skrifa á skákhornið fyrr í vetur og lenti í því að Ingvar Þór Jóhannesson FIDE-meistari í skák kallaði mig lygara og fleiri slæmum nöfnum.

Það er gegn betri vitund sem ég rita þetta, en manngreyið kallaði mig lygara, svo ég verð að svara. Aðalsamskiptin á horninu voru þessi:Sorglegt var að þú varst mátaður í um 20 eikjum í Franskri vörn, dónalegt að þú ruddir nær öllum köllunum um koll þegar þú gafst með einhverjum leiðinda tilþrifum. Og hljópst síðan í burtu án þess að yrða á stórmeistarann og raða upp eftir þig. Ingvar það var stórmeistari í skák að máta þig FIDE-meistarann! Skammastu þín svo!

Ingvar  svari með þessu skemmtilega skeyti.: LYGARI. EF ÉG RUDDI KÖLLUNUM EÐA VELTI ÞEIM UM LIGGJA ÞEIR UM ALLT. ÉG RÉTTI HONUM HANS KALLA OG ÉG FÉKK MÍNA EN RAÐAÐI EKKI UPP AF ÞVÍ AÐ ÉG VAR FÚLL. ÞAÐ VAR ALLUR DÓNASKAPURINN. GREYIÐ ÍRANINN AÐ VINNA Í 21. LEIK OG ÞURFA AÐ HORFA UPP Á ANDSTÆÐINGINN EKKI RAÐA UPP OG FLÝTA SÉR ÚT.

OG JÁ ÉG ER AÐ SKRIFA Í HÁSTÖFUM AF ÞVÍ AÐ ÉG ER BÁLREIÐUR OG GUFUSJÓÐANDI. JÁ JÁ ÉG ER TAPSÁR EN EKKI LJÚGA UPP Á MIG EINHVERJUM DÓNASKAP. ÞAÐ ER EITT AÐ VERA FÚLL ÚT Í SJÁLFAN SIG OG ANNAÐ AÐ SÝNA ÖÐRUM DÓNASKAP EÐA VANVIRÐINGU.

Ég svaraði þessu svona: Kallarnir lágu um allt skákborðið eða dúkinn. Þú varst með svart og komst ekki kalli yfir miðju áður en hann mátaði þig. Samt lágu margir svartir kallar á hans hluta borðsins. Hann raðaði upp og ýtti svo þínu liði til baka. Mér sýhdist nú þú vera þannig að þú vissir ekki hvað þú værir að gera, sótrauður í framan. Íraninn tól þetta eins og að þú værir grútspældur og illa siðaður skákmaður. What kind of moral is this? spurði hann. Baðst þú afsökunnar? Varla.....

Sama er mér hvort þú sért reiður. Sannleikanum verður hver sárreiðastur.

Óttalegur barnaskapur er þetta!

Ingvar hélt áfram: Þú ert einfaldlega að LJÚGA og þú veist það af hverju ertu að þessu? Hvaða tilefni hefurðu í skyndilega persónulega árás upp úr þurru?

"What kind of moral is this?" Ég veit ekki....af hverju spyrðu ekki umboðsmann Íranans, hrokafulla Frakkann sem er eini skákmaðurinn á u.þ.b. 500 kappskáka ferli sem ekki hefur tekið í hendina á mér eftir skákina.

Nei ég baðst ekki afsökunar enda ekkert að biðjast afsökunar á nema að hafa teflt ömurlega eins og þú ert margbúinn að tyggja ofaní mig og leiðist ekki að spinna inn í hvert skeyti.  Sannleikanum er ég ekki reiður en ég verð sótsvartur ef það er logið upp á mig.

Jæja, látum frekari orðaskipti liggja á milli hluta, þetta er aðalatriðið. Það gilda vissar samskiptareglur í skák og þær þverbraut Ingvar Þór. Kristján Örn Elíasson  (KÖE) færði þetta atvik í tal við mig og vissi þá ekkert um okkar samskipti á Hellishorninu! Ég spurði Kristján út í þetta og hann sá það sama og ég og svo var víst um marga fleiri.

 Ingvar Þór Jóhannesson, þú ert lygari af slæmri gerð!

 

Sævar

Hellishornið?

Ég hef enn verið settur í bann á Hellisskákhorninu. Eins og oft áður skil ég ekki ástæðuna!  En þar sem til stendur að opni mjög fljólega vefsíða sem ég kem að, finnst mér að ég þurfi að koma þessu frá mér........

 Ég skrifaði frá síðustu útilokun minni frá Skákhorninu af gætni og fannst ég ekki fara yfir strikið frekar en hver annar. Samt var ég útilokaður af horninu af admin þesss. Ég hef haldið frá upphafi að þar færi  Bragi Kristjánsson lögfræðingur, skrifaði reyndar á Hellishornið að kjaftasagan segði að þar færi Sverrir Örn Björnsson lögfræðingur en ég sjálfur hélt alltaf að þar lygi almannarómur  Admin svaraði ,,message" mínu með því að segja: að ég (Sævar Bjarnason) ætti inni hjá honum (Admin) fyrir slæm skrif á netið, nokkuð sem ég skil ekki. Er þetta Hellishorn kortafyrirtæki þar sem maður getur farið yfir á kortinu? Varla en ef svo er láta svoleiðis fyrirtæki mann vita þegar þannig stendur á. Ef maður hefur farið yfir strikið á Hellishorninu, væri fróðlegt að vita hvort sú ,,yfirsjón" fylgi manni eftir ævilangt eða etv eitthvað styttra  En annars get ég varla skrifað á Hellishorn þar sem 2-4 T.R.-ingar réðust að mér með gífuryrðum (fer kannski á umframreikning þeirra?  ) fyrir að spyrja hvort skákir úr alþjóðlegu móti sem var á vegum T,R. yrðu birtar á Hellishorninu. Hinn geðþekki Sigurbjörn Björnsson með hvell-skapið  spurði sömu spurningar núna rétt fyrir alþjóðlegt mót Hellis og fékk ekkert nema hugguleg svör um að skákir yrðu birtar. Mér var hins vegar sagt að drullast niður eftir af gömlum vini mínum ef ég hefði áhuga á að sjá þær. Annar spurði hvort ég gæti ekki sett þetta inn sjálfur, en ég hef sett mörg hundruð skákir fyrir Jóhann Þóri Jónsson heitinn í gegnum árin, bæði í Tímaritið Skák og Hrað-Skák. Þar fyrir utan er ég víst sá maður sem hef drullast til að tefla flestar skákir á Íslandi til þessa og flestar í Félagsheimilum T.R. Svo ég þakka kaldar kveðjur, þær eru víst betri en öngvar

 Svo er það Snorri Guðjón Bergsson, sá veiki einstaklingur. Ég er víst versti maður í heimi að hans mati um þessar mundir. Fyrst hér nokkrar staðreyndir. Allt fram í byrjun ársins 2007 vorum við Snorri þokkalegir vinir (ekki eins og Rúnar Berg meinar það  ) og Snorri var mér hjálplegur á margan hátt og ég honum. Hann notaði hástemd lýsingarorð til að lýsa ágæti mínu í e-mailum til mín sem ég á að sjálfsögðu, ekki ,,deletar" maður skjallinu frá Snorra Bergz  Síðan kom að  alþingiskosningum og í umræðum um þær gerðist ég svo djarfur að lýsa því yfir að mér finndist margar af skoðunum hans ,,fasískar" og litaðar af andstöðu við útlendinga sem hér byggju. Það var eins og við manninn mælt, dellan og djöfulskapurinn helltist yfir mann og á sjálfsagt eftir að gerast víða núna einnig.

Nú er ég í veikindafríi og hef verið frá því í lok apríl mánaðar og líklegt er að það standi eitthvað lengur. Jú það er geðveiki, best að stela þessum frá Snorra  En eins og ágætur maður sagði stundum: Heimska er ólæknandi!

Vælukjóa svarað!

Það er nokkuð langt síðan ég skrifaði síðast. Það hefur verið einhver skákleiði í mér og einnig get ég ekki annað sagt en færslur vælukjóa nokkurs á bloggsíðu sinni höfðu ekki hvetjandi áhrif á mig. Vælukjói þessi notaði sömu tækni og ég ætla að reyna núna, nefndi aldrei neinn með nafni, en var samt óspar á dylgjur og leiðindavæl sem allt saman átti að vera einhverjum öðrum en honum að kenna.

Vælukjóa þessum ætla ég ekki að svara efnislega, enda óvíst að hann hafi átt við mig!

Þó er ágætt að geta þess að ef skákmenn vilja fá að tefla ótruflaðir í útlöndum er óþarfi að lesa skakhornið. Þetta prófaði ég í febrúar þegar ég fór til Moskvu með ekki svo slæmum árangri. Hinsvegar ef menn vilja fylgjast með á skákhorninu er óþarfi að koma þar með dylgjur á fárra tíma fresti, það er eingöngu til þess gert að æra óstöðugan og fleiri og kalla yfir sig skæðadrífu sem menn  hafa til stofnað sjálfir. En ég er hættur barnauppeldi, vann við það lengi. Og þó ég sé giftur orðinn og lifi góðu lífi með spúsu minni sem er á barneignaraldri, þá er ég ekki til í það að eignast börn inn í þennan heim!

En heimsmeistaraeinvígið í Mexíkó stendur fyrir dyrum og einnig mánaðar Kínaferð mín þannig af nógu er að taka í sjálfu sér.

Þessi færsla er til þess að létta á mér sálarlega eingöngu og það er ágætt að hafa drifið þetta af!

Nei, vælukjóa með niðurgang er ekki ástæða til að svara, hugsa þó málið ef hann framleiðir meira af steypu!

Það er vandlifað í henni veröld!

Jú hægt er að bæta við fyrirsögn þessa og segja: Verstu óvinir manns eru fyrrverandi vinir og sérstaklega góðkunningjar! !  Verri óvini er ekki hægt að eignast, segir gamalt máltæki!

Ég lenti í því um daginn að ágætur drengur að ég hélt ,sendi mér eftirfarandi skilaboð: Ég vona að yfirmenn þínir á Kleppi fari að uppgötva að þú átt auðvitað að vera hinum meginn við rimlana.  Varðandi það að vilja ekki taka í hönd okkar  þá skaltu ekki ímnnda þér að það standi til boða.  Ég myndi ekki einu sinni rétta þér höndina til að bjarga þér frá drukknun hvað þá meira.  Og þess frekar þá mun ég reyna að forðast það að tefla á sömu mótum og þú helvítis skíthællinn þinn.

Þetta var á opinberum vettvangi! Ég svaraði þessu skeyti þannig:

..Spurning hvort ég hafi ekki samband við , þinn yfirmann og sýni honum þín skrif .

Ég er ennþá í lagi en spurning hvort þú sért ekki búinn að missa það! "

Broskarlar settir inn af óþarfa tilitsemi við ,,the devil" Annar ágætur kunningji minn hringdi í mig til að ,,njósna" um viðbrögð mín, fátt var um svör hjá mér.

Sá sem skrifaði var hræddur um að ég myndi leka þessum gífurorðum í yfirmenn hans og að hann myndi missa vinnuna! Sjálftraustið í lagi! Sendi mér sáttatilboð á hans forsendum, ég sagði greyinu að því gæti ég ekki tekið, ég læti ekki míga yfir mig og tæki svo sáttum. Óþarft er að segja að ég fékk yfir mig enn verri og sóðalegri ummæli. Þvílík sjálfsmynd sem þetta grey hefur! Óþarfi að taka fram að ég gerði ekkert í málinu!!

Hér hef ég fellt út texta sem ég skrifaði. Það virðist vera sem einhver stundi þann ljóta leik að senda mér SMS skilaboð úr tölvu og mun ég reyna að láta rekja þau. Ekki koma margir til greina, hef einn aðallega grunaðan en ekki hægt að ásaka nema sönnun sé til staðar..

Það er víst að sumir sem allstaðar þurfa að láta sínja týru skína, mega vara sig. Einn ákveðinn aðili hefur ekki sést á Fiskmarkaðsmótinu. Ekki nema von, þarf að svara töluverðu, hans innri maður er drukknaður í eigin aumingjaskap!´

Eru menn ánægðir? Ekki gott að þurfa að breyta þessu undir hálfkveðnum vísum en geri það samt. Erfitt að einbeita sér eftir þessa glennur!

Nei það er erfitt að fá að tefla í friði á Íslandi lengur!!!

 

Þeir eru að velta sér upp úr slorinu!

Á skákhorninu í dag fer Snorri Guðjón Bergsson mikinn og heldur því fram að það sé vegna m.a.fjárhagsvandræða að Taflfélag Vestmannaeyja hafi dregið sig úr efstu deild í Skákliðakeppni Skáksambands Íslands. Hann er samur við sig  sagnfræðingurinn Snorri í skákmálunum, heldur einhverri vitleysu fram og hamrar á henni endalaust ef ekki gefst betur.

Peningahliðin var hins vegar ekki vandamálið, Magnús Mattíasson fyrrverandi formaður er að flytja á Suðurlandsundirlendið í sumar og hann sá alfarið um peningamál og skipulagningu Eyjaliðsins í efstu deild. Það vantar einfaldlega mannskap hjá litlu félagi til að sjá um hlutina.

Hins vegar er ég ekki alveg sáttur við að félagið sé á leið úr efstu deild, okkur sem tefldum með liðinu var ekki sagt frá ákvörðun stjórnar fyrren eftir að hún var tekin í maí.

Ég hins vegar stekk ekki í land líkt og sumir við fyrsta tækifæri. Ef menn hefðu haft áhuga á þá hefði verið hægur vandi að leiðrétta ,,mistökin" í sumar ef áhugi hefði verið fyrir hendi. Sjálf keppnin hefst ekki fyrr en eftir 3 mánuði. En sumir eru fljótir að opinbera sig, aðrir bíða áratugum saman 

Svo að yfirlýsingar sumra félaga minna eru ansi fljótfarnar og varla réttar. Allavega er orsök þess sem þeir gefa upp vegna úrsagnar þvæla, nú hefði verið lag á að tefla í efstu deild ef áhugi hefði verið fyrir hendi!

Fiskifýla?

Fyrsta umferð var tefld í gærkvöldi og er óhætt að segja að skákirnar voru með fjörugra móti. Lítum á úrslitin:

Sævar Bjarnason tapaði snögglega fyrir Braga Þorfinnssyni. Byrjunin lofaði góðu fyrir mig en allt kom fyrir ekki, ég bjó til gryfju fyrir sjálfan mig að detta í! Og gafst upp um leið. Fýla var engin í mönnum, hvað þá fiskifýla, en ekki get ég sagt að ég hafi glaðst er tveir gamlir góðkunningjar gengu í salinn. Ég hélt þó ró minn þó mér væri heitt í hamsi, nýbúinn að komast að axarskafti mínu! Það er hægt að skemmta skrattanum margvíslega…..

 

Hjörvar Steinn Grétarsson vann skák sína gegn Birni Þorfinnssyni en hún hefði getað farið allavega. Björn átti gangandi þráskák en hafnaði henni. Það kom í ljós að margar vænlegar leiðir voru í boði fyrir Björn en hann sá þær ekki fyrr en eftir skákina. Það er ekki talið með eins og í mínu tilviki.  

Omar Salama virtist vera að kafsigla Andrzej Misiuga. En Andrzej varðist af hörku og sóknin mikla dvínaði og þráskák var niðurstaðan.  

Lenka Ptacnikova hinsvegar kafsigldiJorge Fonseca og er óhætt að segja að hún hélt vel á spilunum.  

Ingvar Þór Jóhannesson náði litlu út úr byrjuninni gegn Walaa Sarwat . Eftir um 20 leiki náði Egyptinn smám saman yfirhöndinni og svo fór að Ingvar tapaði.   

 En lítum á lok endaleysu minnar á móti Braga, Ég hafði hvítt.

 

Ég lék hér 24. Bd3 en mun betra er 24. Dd3 Hc5 25. De3 Dxe3 26. fxe3 Hxg5 27. Hb7vog hvítur getur vonast eftir jöfnu tafli!

Nú eru góð ráð dýr! Ekkert varnar miklu liðstapi. Hótunin Dg1+ fylgt af Dd1+ og mát er ægileg.

Í dag bíður Egypskur alþjóðameistari, það gæti farið illa! Það gleður eflaust einhvern!

 

Það er hægt að skoða stöðumyndirnar betur með því að ýta á þær með músinni! Þá verða þær stórar og skýrar. Kemur sér vel fyrir þá sem djá illa. Svona smám saman á meðan ég er að þreifa mig áfram, þá er ljóst að gæði síðunnar fara aðeins batnandi útlitslega.

Fiskimarkaðsmótið! Jedúdda mía ......

Eftir mínar vangaveltur þá kom í ljós að Bjjörn Þorfinnsson hyggst hefja alþjóðlegt mót í dag. Teflt verður í skákmiðstöðinni í Faxafeni 12 í skáksal Skákskóla Íslands.  Ánægjulegt að mörgu leiti að tefla í Skákskólasalnum undir öðrum formerkjum en áður.  Það munu víst vera Sjálfstæðismenn sem tóku völdin af þeim Hellismönnum og ákváðu að vera með gólfframkvæmdir í sal þeirra í Mjóddinni einmitt núna. Svo Björn Þorfinnsson varð að bjarga í horn! FISKIMARKAÐSSKÁKMÓT!!!!

Alþjóðlega mótið í dag er ágætis vitnisburður um það fjölmenningarþjóðfélag (langt orð! ) sem við lifum í á Íslandi í dag. Aðeins einn keppandi af 10 býr ekki á Fróni heldur í Egyptalandi. Það mun vera Egyptinn,  Walaa Sarwat.  Keppendur eru frá Póllandi, Spáni, Egyptalandi og Íslandi. En þetta huldumót sem hefst í dag hefur eftirfarandi keppendur í töfluröð!

1. Hjörvar Steinn Gretarsson

2. Omar Salama

3. WGM Lenka Ptacknikova

4. Ingvar Þór Jóhannesson

5. IM Sævar Bjarnason

6. IM Bragi Þorfinnsson

7. IM Walaa Sarwat

8. Jorge Fonseca

9. Andrzej Misiuga

10. Björn Þorfinnsson

Og í fyrstu umferð tefla saman:

Hjörvar Steinn - Björn

Omar  - Andrzej

Lenka - Jorge

Ingvar - Walaa

Sævar - Bragi

Augu marga munu beinast að Hjörvari, hann er ungur og efnilegur og hefur getu til að rúlla yfir okkur alla. Spurningin er aðeins þessi, er það núna?? Ingvar og Björn eru ofurhugar sem hyggjast landa titlinum. Hvað það þarf marga vinninga í þessu móti til að ná áfanga að alþjóðlegum meistaratitli er ekki ljóst ennþá. Enn það skýrist fljótlega. Ég á að tefla við Braga í 1. umferð, það verður barist til þrautar, það er ljóst.

Annars er ég langelstur keppenda, hokinn af reynslu. Andstæðingur minn í dag er fæddur 1981, hvað var ég að gera þá? 1981 meina ég. Skáklega séð var ég í blóma lífsins. Skelfilega er þetta hátíðlegt.

1981, þá voru helgarskákmótin aðalmálin. Jóhann Þórir Jónsson var þá á sínu 40. ári og hafði haldið röð helgarmóta um land allt, þau urðu 50 þar til yfir lauk. Helgi Ólafsson var aðalskákmaðurinn og vann þau flest.. Ég varð efstur á mínu 1. helgarskákmóti í Neskaupstað. Vann Helga í um 20 leikjum þar. Skrýtin skák, best að reyna að finna hana. Stefán Þormar, aðalmaðurinn í litlu kaffistöðinni á Hellisheiði, hélt eitt fjölmennasta og glæsilegasta helgarskákmótið í Vík í Mýrdal. Það er svona langt síðan! How time flies

Inni í Helli!

Ágætu vinir og lesendur! Eins gott að byrja rólega, annars verða tóm læti!

     

Björn Þorfinnsson skákmaður með meiru stendur fyrir alþjóðlegu skákmóti með tilstyrk m.a. Skákfélagsins Hellis og Skáksambands Íslands daganna 20/7 - 28/7 2007.

Ég (Sævar Bjarnason) er meðal þátttakenda og ætlunin er að vera með pistla hér um þetta ágæta skákmót. Það er ef þetta alþjóðlega skákmót kemst á flot?!  Það á að byrja á morgun, ef  lofar. Sjáum til.....

Ég er orðinn langeygður á að skrifa um skák á mínum forsendum og e.t.v. verður þetta (Mogga)blogg byrjunin á einhverju skárra og meiru. Þetta innlegg er aðeins dropi í hafið, en einhvers staðar verður að byrja.

Skákmenn flestir vita að ég hef lent utangarðs á skákritvellinum. Svo  það er ágætt að byrja að nýju hér, sjálfstæður og helblár.